کراچی:کراچی میں آج سے سائبیرین ہوائیں چلنے کا امکان ہے جب کہ کل سے سردی کی شدت میں بھی اضافہ ہوسکتا ہے۔ محکمہ موسمیات نے پیشگوئی کی ہےکہ سندھ میں کل سے 17 جنوری کے دوران سردی کی لہر کا امکان ہے، کراچی میں آج مطلع جزوی ابر آلود اور رات میں موسم سرد رہے گا جب کہ وقفے وقفے سے تیز ہوائیں بھی چل سکتی ہیں۔
محکمہ موسمیات کے مطابق کراچی میں کل کم سے کم درجہ حرارت 7 سے 9 اور جمعہ کو 5 سے 7 ڈگری سینٹی گریڈ تک رہنے کا امکان ہے محکمہ موسمیات کے مطابق کل دن کا درجہ حرارت 23 سے 25 اور جمعے کو 22 سے 24 ڈگری سینٹی گریڈ تک رہے گا اس دوران شمال مغرب سے ہوائیں بھی چلتی رہیں گی۔
دوسری جانب موسمیاتی تجزیہ کار جواد میمن کے مطابق شہر میں شمال اور شمال مغرب سے سرد ہوائیں چلیں گی جن کی رفتار 30 سے 40 کلو میٹر فی گھنٹہ ہونےکا امکان ہے جب کہ ان ہواؤں کی رفتار 48 کلو میٹر فی گھنٹہ تک بھی جاسکتی ہے۔
