5 ارب روپے سے زائد کے مضاربہ اسکینڈل میں گرفتار ملزم کی ضمانت

کراچی: 5 ارب روپے سے زائد مضاربہ اسکینڈل کے ملزم کی ضمانت منظور کر لی گئی۔ سندھ ہائی کورٹ نے 5 ارب روپے سے زائد مضاربہ اسکینڈل کے ملزم کی ضمانت منظور کر لی ہے، ملزم پر بطور ایجنٹ عوام سے 15 کروڑ ہتھیانے کا الزام ہے۔

عدالت نے ملزم عبدالناصر کو 5 لاکھ روپے کے مچلکے جمع کروانے کا حکم دیا ہے۔

عدالت کی جانب سے 15 کروڑ روپے مالیت کی دستاویزات بھی جمع کروانے کی ہدایت کی گئی ہے، ملزم عبدالناصر پر قاری شفیق کے ایجنٹ کی حیثیت سے 15 کروڑعوام سے لینے کا الزام ہے۔نیب کا کہنا تھا کہ ملزم 6 سال سے مفرور تھا، ملزم نےعوام کی دولت لوٹنے میں سہولت کاری کی، اس پر وکیل صفائی نے کہا کہ ملزم ڈیڑھ سال سے جیل میں ہے، اس کے اکائونٹ سے کوئی رقم نہیں ملی۔

وکیل صفائی کا مزید کہنا تھا کہ یہ مرکزی ملزموں کا ملازم تھا، ان کے جرم کی سزا اسے نہیں دی جاسکتی، جن ملزموں کے اکائونٹس میں اربوں روپے آئے انہیں ضمانت پر رہا کیا جا چکا ہے۔

اپنا تبصرہ بھیجیں: