کراچی : 14سالہ گالفر کا کارنامہ ’’ہول ان ون‘‘ کرکے کار جیت لی

کراچی:کراچی کے 14 سالہ گالفر اشعث امجد نے ’ہول ان ون‘ کا کارنامہ انجام دے کر بیش قیمت کار جیت لی۔

کراچی گالف کلب میں منعقدہ رشید ڈی حبیب میموریل قومی پروفیشنل گالف ٹورنامنٹ میں شاندار کامیابی کے بعد اشعث امجد کا کہنا ہے کہ میں نے اپنی بڑی بہن قومی ویمن گالفر حمنا امجد کو دیکھ کر گالف کا آغاز کیا ۔

ان کاکہناتھاکہ میں بہت پُرامید تھا کہ ہول ان ون کرنے میں کامیاب ہو جاوں گا اور اس بات کا ذکر ایک روز قبل اپنے والد اور ائیرمین گالف کلب کے گالف سیکریٹری ونگ کمانڈر امجد سے ذکر بھی کیا تھا۔