اسلام آباد: روس پاکستان کو گیس اور تیل کے مقامی ذخائر کی دریافت کیلئے جدید ٹیکنالوجی دینے پر رضا مند ہوگیا،روس پاکستان کو مصنوعی ذہانت پر مشتمل جدید ٹیکنالوجی بھی فراہم کرے گا۔
حکام کےمطابق روس کے فیصلے سے تیل کی مقامی پیداوار 70 ہزار بیرل یومیہ سے ایک لاکھ 40 ہزار بیرل تک پہنچنے کی توقع ہے۔روسی نمائندہ خصوصی برائے افغانستان ضمیر کابلوف منگل کو اسلام آباد پہنچیں گے، وہ وزیرمملکت حنا ربانی کھر، سیکریٹری خارجہ سے مذاکرات کریں گے۔
ذرائع نے بتایا کہ روسی نمائندہ خصوصی دیگر متعلقہ حکام سے مشاورت کرنے کے ساتھ ہی افغانستان میں انسانی صورت حال بہتر کرنے پر بات کریں گے، افغان سیکیورٹی صورتحال اور امن پر بات چیت ایجنڈے میں شامل ہے۔
