کراچی: چوتھی کمشنرکراچی میراتھن آج منعقد ہوگی،نشان پاکستان، سی ویو کلفٹن سےشروع ہونیوالی میراتھون میں جو لوگ شرکت کے لیے رجسٹریشن نہیں کراسکے وہ صبح 7بجے سے 9 بجکر 45 منٹ تک آن اسپاٹ رجسٹریشن کر سکتے ہیں۔
میراتھن کاافتتاح صبح 10 بجے کمشنرکراچی محمد اقبال میمن کریںگے، تقریب تقسیم تقسیم انعامات صبح ساڑھےگیارہ بجے ہوگی، میراتھن کے شایان شان انعقادکے لیےانتظامات کوحتمی شکل دیدی گئی۔
میراتھن میں مرد اور خواتین کے لیے 2کیٹیگری میں ریس ہوگی،12کلو میٹراور ساڑھے7 کلو میٹرکیٹگری رکھی گئی ہے، فن ریس ایک کلو میٹر ہوگی ،تمام شرکاکوسرٹیفیکیٹ دیاجائے گا،ہرکٹیگری میں اول آنے والے کوانعام 50 ہزارروپے سیکبڈ آنے والے کو 30 ہزاراور تیسری پوزیشن پر 20 ہزارروپے انعام دیاجائے گا،میراتھن میں شہریوں کی بڑی تعدادکے ساتھ غیر ملکی سفارتکار اور معززین شہر کے ساتھ مختلف شعبوں سے تعلق رکھنےوالی اہم شخصیات بھی شرکت کریں گی۔
اس موقع پر سیکیورٹی کے بھر پورانتظامات کیےجائیں گے، ہررجسٹرڈرنرکو چیسٹ نمبرجاری کیاجائے گا،صرف رجسٹرڈ افراد ہی میراتھن میں حصہ لے سکیں گے،راستہ میں یونیفارم میں ملبوس رضاکارشرکاء کی مانیٹرنگ کریںگے۔
اسپیشل بچوں اور فیملی فن ریس بھی ہوگی، میراتھن میں شریک ہو نے والوں کی گاڑیوں کی پارکنگ کاخصوصی ا تظام کیاگیاہے، ٹریفک پولیس نظام کنٹرول کر ے گی جبکہ والینٹیئرز لوگوں کی رہنمائی کے لیےموجود ہوںگے۔
