کراچی : مغربی ہواوں کے اثرات شہر پر زائل ہونے لگ گئے،اتوار کو مجموعی درجہ حرارت ایک ڈگری بڑھ گیا۔
صبح و رات کے اوقات میں قدرے سرد موسم یکم فروری تک برقرار رہ سکتا ہے،آئندہ 10 روز تک کوئی نیا سسٹم متوقع نہیں ہے۔
اتوار کو شہر کا موسم سرد اور خشک رہا،تاہم گذشتہ دنوں کے مقابلے میں سردی کی شدت کم ہوگئی۔
محکمہ موسمیات کے مطابق کم سے کم پارہ گذشتہ روز کے مقابلے میں ایک ڈگری اضافے سے 10.5 جبکہ زیادہ سے زیادہ درجہ بھی ایک ڈگری اضافے سے 26.5 ڈگری سینٹی گریڈ ریکارڈ ہوا۔
چیف میٹرولوجسٹ کراچی سردار سرفراز کے مطابق قدرے سرد موسم یکم فروری تک برقرار رہ سکتا ہے،جس کے بعد درجہ حرارت مذید بڑھ جائینگے،پھر صرف رات اور صبح کے وقت خنکی محسوس ہوسکتی ہے۔
