راولپنڈی: آرمی چیف جنرل سیدعاصم منیرنے کہاہے کہ دہشتگردی کیخلاف جنگ میں کامیابی کیلئے پرعزم ہیں، ایسی بزدلانہ کارروائیاں قوم کے عزم کو متزلزل نہیں کر سکتیں،پشاور سانحہ کے ذمہ داروں کو انصاف کےکٹہرے میں لائے جائے گا، قربانیاں انسداد دہشتگردی کی جنگ میں کامیابی کے لئے ہمارے عزم کو مزید تقویت دیتی ہیں،جاری جنگ میں کسی بھی دہشتگرد تنظیم کو کسی صورت برداشت نہیں کیا جائے گا۔
آرمی چیف نے کور کمانڈرز کو ہدایت کی کہ انٹیلی جنس، قانون نافذ کرنے والے اداروں کو بھرپور تعاون فراہم کیا جائے،دیرپا امن کے حصول تک انسداد دہشتگردی کی کارروائیوں پر توجہ مرکوز رکھیں۔آئی ایس پی آرکے مطابق آرمی چیف جنرل سید عاصم منیر کے زیرصدارت 225ویں کورکمانڈر کانفرنس ہوئی۔کانفرنس میں ملکی سکیورٹی صورتحال پر غور کیا گیا ۔
فورم کے شرکا کو درپیش اور دہشتگردی کے بڑھتے واقعات،ایل اوسی اوردہشتگردی کیخلاف آپریشن پر بریفنگ دی گئی۔
آئی ایس پی آرکے مطابق فورم نے پشاورمیں خود کش حملے کے شہداکوخراج عقیدت پیش کیا۔کورکمانڈرکانفرنس میں پشاورحملے کے کرداروں کوکٹہرے میں کھڑاکرنے کاعزم کیاگیا۔
شرکاکومقبوضہ جموں کشمیر کی صورتحال اور دہشتگردوں کا گٹھ جوڑ توڑنے سے متعلق بھی بریفنگ دی گئی۔قانون نافذکرنیوالے اداروں اورانٹیلی جنس آپریشنزکی تفصیلات سے آگاہ کیاگیا۔
