کراچی : صنعت و تجارت سندھ کے سیکریٹری عبدالرشید سولنگی نے حیدرآباد سائٹ ایسوسی ایشن آف ٹریڈ اینڈ انڈسٹریزکا دورہ کیا اوربزنس کمیونٹی سے ملاقات کی جس میں ایم ڈی سائٹ طارق انورکھوکھر،شاہد شاہ،ایم ڈی ایس ایس آئی سی جنید احمد،ڈائریکٹرانڈسٹریزاورحیدرآباد،کوٹری،نوری آباد کے تمام سرکردہ صنعتکارنے بھی شرکت کی، صنعتکاروں نے سیکریٹری انڈسٹریز کو مختلف مسائل کو اگاہ کیا،ایمبولینس اورفائرٹینڈر کی فراہمی اورسائٹ حیدرآباد کیلئے مزید ترقیاتی اسکیموں کی درخواست کی۔
انہوں نے سائٹ حیدرآباد فیز II کے الاٹمنٹ لیٹرزجاری کرنیکی بھی درخواست کی،سیکریٹری صنعت و تجارت رشید سولنگی نے مسائل پررابطہ کمیٹی کا بنانیکا اعلان کیا جسکی سربراہی وہ خود کریں گے اوراس میں نوری آباد،کوٹری اورحیدرآباد انڈسٹریل زون کے ممبران شامل ہوں گے اورہرماہ اجلاس بلائے جائیں گے۔
انہوں نے مزید کہا کہ حکومت سندھ تمام صنعتی زونز میں بنیادی انفراسٹرکچر کی سہولیات فراہم کرتے ہوئے بزنس کمیونٹی کو سہولت فراہم کرنے کیلئے پرعزم ہے تاکہ کاروباری سرگرمیاں، معاشی سرگرمیاں بڑھیں،روزگارکے مواقع فراہم ہوں اورغربت کا خاتمہ ہوسکے۔
انہوں نے اعلان کیا کہ حیدرآباد انڈسٹریل زون کو بہت جلد ایمبولینس اور فائرٹینڈر فراہم کیا جائے گا اورترقیاتی کاموں کو بھی اگلے صوبائی و وفاقی سالانہ ترقیاتی منصوبوں میں شامل کیا جائیگا۔
