کیپ ٹاؤن/ اسٹیلن بوش : آئرلینڈ ویمن نے آسٹریلیا ویمن کو 3 وکٹوں سے اپ سیٹ کر دیا۔ آسٹریلیا نے الیسا ہیلی 62، تہالیہ میک گرا 56 اور ایلسی پیری کے 40 رنز کی بدولت 168/5 اسکور کیا۔
آئرلینڈ نے مطلوبہ ہدف 19.4 اوورز میں 7 وکٹوں پر حاصل کرلیا۔ کپتان لارا ڈیلینی 32 رنز کے ساتھ نمایاں رہیں۔ دریں اثناء انگلینڈ ویمن نے اپنے آخری وارم اپ میں نیوزی لینڈ ویمن کو 5 وکٹوں ہرا دیا۔ انگلش سائیڈ نے وائٹ فرنز کو 114/9 تک محدود کر دیا۔
کپتان سوزی بیٹس 36 رنز کے ساتھ ٹاپ اسکورر رہیں۔ سوفی ایکلسٹن نے تین، کیٹ کراس نے دو وکٹیں حاصل کیں۔ انگلینڈ نے مطلوبہ ہدف 13.5 اوورز میں 5 وکٹوں پر حاصل کرلیا۔
اوپنر صوفیہ ڈنکلے نے 38 گیندوں پر ناقابل شکست 60 رنز بنائے۔ انگلینڈ ویمن اپنا پہلا میچ ہفتے کو ویسٹ انڈیز کے خلاف کھیلے گی۔
