کراچی:سندھ ہائیکورٹ نے علی احمد گوٹھ میں مبینہ زہریلی گیس سے ہلاکتوں سے متعلق کیس کا تحریری حکم نامہ جاری کردیا۔
عدالت کو بتایا گیا کہ شہری خادم حسین نے خاندان کے 4 افراد کی ہلاکت کا مقدمہ درج کرایا ہے، آئی جی سندھ نے بیان دیا کہ دیگر 14 افراد کی ہلاکت کا مقدمہ درج نہیں کروایا گیا۔
عدالت نے کہا سرکار کی مدعیت میں مقدمات کیوں درج نہیں کئے گئے، اہم سولات کا جواب نہیں ملا۔
ڈی سی کیماڑی اور آئی جی کے بیان میں تضاد ہے، عدالت نے آئی جی کو واقعہ کی شفاف تحقیقات کرکے سرکار کی مدعیت میں مقدمات درج کرنے کی ہدایت کردی۔
عدالت نے سماعت 20 فروری تک ملتوی کردی، آئی جی سندھ شفاف تحقیقات کرکے رپورٹ پیش کریں۔
