کراچی : متحدہ قومی موومنٹ (ایم کیو ایم) پاکستان کے فوارہ چوک پر بلدیاتی انتخابات کو کالعدم قرار دینے کیخلاف دھرنے سے قبل پیپلزپارٹی کی قیادت نے متحدہ سے رابطہ کیا ہے۔
ذرائع کو ملنے والی اطلاع کے مطابق اس رابطے میں گورنر سندھ کامران ٹیسوری نے اہم کردار ادا کیا، جس میں پیپلزپارٹی کی قیادت نے ایم کیو ایم سے دھرنا موخر کرنے کی درخواست کردی۔
ذرائع کا کہنا ہے کہ پیپلزپارٹی رہنما ناصر حسین شاہ ایم کیوایم رہنماوں سے را بطے میں ہے۔ اور دونوں جماعتوں کے رہنماؤں کے درمیان گورنر ہاؤس میں اہم ملاقات بھی جلد متوقع ہے۔
ایم کیوایم کی جانب سے خالد مقبول صدیقی ، مصطفی کمال ، فاروق ستار اور فیصل سبزواری ہوں گے جبکہ ملاقات میں پیپلزپارٹی کی جانب سے ناصر حسین ،مرتضی وہاب سمیت دیگر رہنما شامل ہوں گے۔
پیپلزپارٹی کی جانب سے ایم کیوایم کو دھر نے کو روکنے کی درخواست کی جائیں گی۔زرائع
ملاقات میں گورنر سندھ کامران ٹیسوری بھی شریک ہوں گے۔
