کراچی کنگز کا نیا ترانہ ’’یہ ہے کراچی‘‘ جاری

کراچی : پاکستان سپر لیگ کی ٹیم کراچی کنگز نے اپنے پہلے میچ کے موقع پر نیا ترانہ ریلیز کردیا۔

’’ یہ ہے کراچی’‘ کے عنوان سے کراچی کنگز کا نیا ترانہ نیشنل اسٹیڈیم کراچی میں پشاور زلمی سے ہونے والے میچ سے قبل ریلیز کیا گیا ہے جس میں گلوکار عاصم اظہر ، علی عظمت اور رامس علی نے اپنی آواز کا جادو جگایا ہے۔

ترانے میں کراچی کنگز کے کپتان عماد وسیم، شعیب ملک، شرجیل خان اور محمد عامر سمیت دیگر کھلاڑیوں نے بھی پرفارم کیا ہے ۔

کراچی کنگز کے یوٹیوب پیج پر ترانہ ریلیز کیا گیا ہے جسے 20 گھنٹوں میں 75 ہزار سے زائد مرتبہ دیکھا جاچکا ہے۔