کراچی : کراچی کے جناح اسپتال سے 9 فروری کو لاپتہ ہونے والی خاتون کی تلاش جاری ہے۔
پولیس کے مطابق خاتون کے اپنی مرضی سے جانے کے کچھ شواہد ملے ہیں، وہ اسپتال سے نکل کر کہاں گئی تفتیش جاری ہے۔پولیس حکام کا اس حوالے سے کہنا ہے کہ خاتون صبح 8 بج کر 40 منٹ پر اسپتال میں داخل ہوئی تھی اور دوپہر ساڑھے 12 بجے کے قریب وہ اسپتال کے دوسرے دروازے سے باہر نکلی۔
پولیس کے مطابق تفتیش مکمل ہونے تک کوئی بھی بات حتمی نہیں کہہ سکتے۔9 فروری کو حاملہ خاتون جناح اسپتال میں چیک اپ کے لیے آئی اور لاپتا ہوگئی تھی۔
وارڈ سے خاتون مریضہ کے مبینہ لاپتہ ہونے کے واقعے کا مقدمہ صدر تھانے میں درج کر لیا گیا ہے۔
