کراچی: الخدمت کی جانب سے ترکیہ کے زلزلہ زدگان کیلئے 20 ملین کی امداد کا پہلا چیک ترک قونصل جنرل جمال سانگو کے حوالے کیا گیا، چیک امیر جماعت اسلامی کراچی حافظ نعیم الرحمن اور چیف ایگزیکٹیو الخدمت کراچی نوید علی بیگ نے حوالے کیا۔
امیر جماعت اسلامی کراچی نے کہا کہ مشکل وقت میں ترک بھائیوں کے ساتھ ہیں، جس قدر ممکن ہوگا، مدد کریں گے۔
چیف ایگزیکٹیو الخدمت نے کہا کہ الخدمت کے رضا کار متاثرہ علاقوں میں جدید آلات کے ساتھ عمارتوں میں دبے لوگوں کی تلاش میں مصروف ہیں، اس موقع پر ترک قونصل جنرل نے الخدمت کی کاوشوں کا سراہا اور ساتھ دینے پر شکریہ ادا کیا۔
