محکمہ موسمیات نے 16 سے 19 فروری کے درمیان کراچی میں گرمی کی پیش گوئی کرتے ہوئے بتایا ہے کہ اس دوران ہیٹ ویو کا کوئی امکان نہیں ہے۔
چیف میٹرولوجسٹ سردار سرفراز نے کہا کہ راجستھان کی جانب سے ہوائیں چلنے کے سبب دیہی سندھ کےاضلاع میں پارہ بلند رہ سکتا ہے۔
انہوں نے بتایا کہ 16 سے 19 فروری کے درمیان تھرپارکر،بدین،ٹھٹھ،عمرکوٹ،میرپورخاص میں گرمی کی شدت میں اضافہ رہےگا، ان اضلاع میں زیادہ سے زیادہ درجہ حرارت 35 سے 37 ڈگری کے درمیان ریکارڈ ہوسکتا ہے۔
کراچی میں بھی 17 اور 18 فروری کو دن کے درجہ حرارت بڑھ سکتے ہیں اور زیادہ سے زیادہ پارہ 32 سے 33 ڈگری ریکارڈ ہوسکتا ہے،اس دوران کراچی اور دیہی سندھ میں ہیٹ ویو کا کوئی امکان نہیں ہے۔
