کراچی : وزیر داخلہ رانا ثناءاللّٰہ نے کہا ہے کہ عمران خان کی گرفتاری کا بالکل ارادہ رکھتا ہوں۔ایک انٹرویو میں رانا ثناءاللّٰہ نے چیلنج دیا کہ عمران خان کا بلڈ ٹیسٹ کروائیں، اُس میں سے کوکین نہ نکلے تو میں استعفیٰ دے دوں گا۔
انہوں نے کہا کہ یہ آئے اسلام آباد بند کر کے دکھائے اس کی ایسی کی تیسی، یہ آئے سڑکوں پر اس کا وہ علاج کریں گے کہ یاد کرے گا, عمران خان ملک کی تباہی کا نسخہ بڑی محنت سے لایا ہے، وہ آئینی اسکیم اور آئین کے تقاضے بگاڑنے پر تلا ہوا ہے۔
ان کا کہنا تھا کہ اس ٹولے کے ارادے آگے بھی ٹھیک نہیں، شوکت ترین نے ملک کو ڈیفالٹ کروانے کی حرکت اس کے کہنے پر کی, عمران خان نے ضد، انا میں آکر زبردستی دونوں اسمبلیاں تڑوائیں جبکہ وزرائے اعلیٰ نہیں چاہتے تھے۔
انہوں نے صاف الفاظ میں کہا کہ میں عمران خان کی گرفتاری کا بالکل ارادہ رکھتا ہوں-
