کراچی:‌پولیس سرپرستی میں منشیات کے اڈے قائم، کاروبار عروج پر

کراچی: کراچی کے علاقے اورنگی ٹاؤن میں پولیس کی سرپرستی میں منشیات کے اڈے چلنے لگے۔

تفصیلات کے مطابق ضلع ویسٹ اورنگی ٹاؤن میں پولیس کی سرپرستی میں منشیات کے اڈے قائم ہونے سے شہری عاجز آگئے۔ نو عمر نوجوان منشیات کے اڈوں پر جانے لگے، منشیات کے اڈوں کے مالکان پولیس سرپرستی میں دیدہ دلیری سے منشیات کے اڈے چلارہے ہیں۔

تنگ گلیوں میں قائم ان منشیات کی وجہ سے خواتین گھروں میں محصور ہوگئیں، نشے میں دھت لوگوں کی خواتین سے بدتمیزی عام ہوگئی علاقہ مکینوں کی جانب سے بار بار درخواست دینے کے باوجاود بھی کوئی کارروائی عمل میں نہیں لائی جاتی ہے۔

علاقہ مکینوں نے آئی جی سندھ اے ڈی خواجہ سے مطالبہ کیا ہے کہ ضلع ویسٹ میں قائم ان منشیات کے اڈوں کا فوری خاتمہ کیا جائے بصورت دیگر تھانے کا گھیراؤ کیا جائے گا۔

اپنا تبصرہ بھیجیں: