کراچی: دہشت گرد حملے میں شہید KPO کے لفٹ آپریٹر سعید کے دونوں معصوم بچوں نے والد کی طرح پولیس میں شامل ہوکر ملک و قوم کی خدمت کا جذبہ ظاہر کردیا۔
اورنگی کے رہائشی سعید نے 25 سال پولیس میں خدمات سر انجام دیں، شہید نے اہلیہ اور 2 معصوم بچوں سمیت 9 بھائی بہنوں کو سوگوار چھوڑا، سعید 9 بہن بھائیوں میں چوتھے نمبر پر تھے، اہلیہ کوثر پروین سرکاری ٹیچر ہیں۔
12 سالہ بیٹے ایان نے کہا کہ کل میری سالگرہ تھی، والد نے خاندان کو بلا رکھا تھا، والد نے آخری بار اسکول چھوڑا تھا، پولیس افسر بن کر ملک و قوم کی خدمت کروں گا، 6 سالہ بیٹے ریحان کا کہنا ہےکہ والد کی خواہش کے مطابق پہلے حافظ، پھر پولیس افسر بنوں گا۔
اہلخانہ کا کہنا تھا کہ ملک میں عوام کے محافظ محفوظ نہیں تو عوام کیا کرسکتے ہیں، مجرموں کو چھوڑنا نہیں چاہئیے، حکومت اور پولیس شہید کے بیٹوں کی اعلیٰ تعلیم تک مکمل اخراجات برداشت کرے۔
