اسلام آباد: پاکستان میں سعودی عرب کے تعاون سے 10 ارب ڈالر کی نئی آئل ریفائنری کے قیام کی راہ ہموار ہوگئی۔ وزارت پیٹرولیم نے 17 ماہ کے بعد آئل ریفائننگ پالیسی تیار کرکے کابینہ کمیٹی کو ارسال کردی۔
مقامی ریفائنریز کی اپ گریڈیشن اور 14 ارب ڈالر کی غیر ملکی سرمایہ کاری کی راہ میں حائل رکاوٹیں دور ہونے کے امکانات روشن ہوگئے۔
دستاویز کے مطابق سرمایہ لگانے والی کمپینوں کو 6 سال تک ٹیکس چھوٹ دینے کا منصوبہ ہے، یورو 5 پٹرول کی دستیابی 2028 تک متوقع ہے۔دستاویز کے مطابق موجودہ 5 ریفائنریز کی اپ گریڈیشن کیلئے بھی ساڑھے 4 ارب ڈالر کی بیرونی سرمایہ کاری حاصل کی جائے گی۔
آئل ریفائنریز فرنس آئل کی بجائے پٹرول اور ڈیزل تیار کرسکیں گی، پٹرول پر 10 فیصد جبکہ ڈیزل پر 2.5 فیصد کسٹم ڈیوٹی عائد کرکے حاصل شدہ رقم ریفائنریز کی اپ گریڈیشن پر خرچ کی جائے گی۔ نئے اقدامات سے 2028 ءتک پاکستان میں یورو 5 معیار کی پٹرولیم مصنوعات دستیاب ہوں گی۔
