حیدرآباد: بھارتی شہربنگلورمیں گرفتارہونیوالی حیدرآباد کی رہائشی لڑکی اقراء جیوانی لاہورپہنچ گئی،لڑکی کو واہگہ بارڈرپرپاکستان کے حوالے کیا گیا۔
حیدرآباد کی رہائشی لڑکی اقراء جیوانی کو واہگہ بارڈرکے ذریعے بھارتی حکام نے پاکستان کے حوالے کردیا،اقراء جیوانی کو بھارتی شہربنگلورمیں پولیس نے غیرقانونی طورپرمقیم ہونے کے جرم میں گرفتارکیا تھا،لڑکی کیساتھ ایک ہندو لڑکے کو بھی گرفتارکیا گیا تھا۔
اقراء جیوانی کے والد نے تصدیق کرتے ہوئے بتایا کہ وہ اقراء جیوانی کو لینے لاہورجارہے ہیں،واضح رہے کہ اقراء جیوانی حیدرآباد سے 19 ستمبر 2022 کو لاپتا ہوگئی تھی۔
بعدمیں انکشاف ہوا کہ لڑکی کی آن لائن گیم کھیلتے ہوئے بھارتی لڑکے سے دوستی ہوئی اوروہ بھارت چلی گئی تھی۔
