ریئر ایڈمرل فیصل عباسی نے پاکستان فلیٹ کی کمان سنبھال لی

کراچی : ریئر ایڈمرل محمد فیصل عباسی نے بطور کمانڈر پاکستان فلیٹ کمان سنبھال لی ہے۔

کراچی میں تبدیلی کمانڈ کی تقریب میں وائس ایڈمرل اویس احمد بلگرامی نے نئے کمانڈر پاکستان فلیٹ کو کمان سونپی۔

ریئر ایڈمرل محمد فیصل عباسی پاکستان نیوی وار کالج لاہور اور نیشنل ڈیفنس یونیورسٹی اسلام آباد کے گریجویٹ ہیں۔ وہ ایک شاندار کیریئر کے حامل نیوی افسر ہیں اور متعدد کمانڈ اینڈ سٹاف عہدوں کا وسیع تجربہ رکھتے ہیں۔

ریئر ایڈمرل محمد فیصل عباسی کوانکی شاندار خدمات کے اعتراف میں حکومت پاکستان کی طرف سے ستارہ امتیازملٹری اور ہلال امتیازملٹری سے نوازا جا چکا ہے۔

تبدیلی کمان کی تقریب میں پاک بحریہ کے افسروں، سی پی اوز،سیلرز اور سویلینز نے شرکت کی۔

اپنا تبصرہ بھیجیں: