کراچی پولیس آفس پر حملے کے بعد ایڈیشنل آئی جی پر تلوار لٹکنے لگی اور ان کے تبادلے کی باتیں بھی زیر گردش ہیں۔
ذرائع کو ملنے والی اطلاع کے مطابق ایڈیشنل آئی جی کراچی کو ہٹانے کا فیصلہ کیا گیا ہے اور امکان ہے کہ اُن کی جگہ جو امیدوار سامنے آئے اُن میں سلطان خواجہ پہلے نمبر پر ہیں جبکہ عمران یعقوب منہاس اور دیگر بھی کراچی پولیس چیف لگنے کیلئے دوڑ میں شامل ہیں۔
ذرائع کا کہنا ہے کہ وزیر اعلیٰ سندھ نے بھی سلطان خواجہ کی تقرری کی رضامندی ظاہر کردی اور انہیں این او سی مل گئی ہے۔ ایڈیشنل آئی جی کراچی جاوید عالم اوڈھو نے واٹس ایپ گروپس میں یہ خبر گردش ہونے کے بعد مختلف ذرائع سے تصدیق کرنے کی کوشش کی تاہم اس بات کی حتمی تصدیق نہیں ہوسکی۔
