ایڈمنسٹریٹر ڈی ایم سی ایسٹ سید شکیل احمد کی کاوشوں سے ضلع شرقی کے علاقوں میں مختلف ترقیاتی کاموں کی بدولت بتدریج بہتری آ رہی ہے،مردم شماری کے حوالے سے ڈی ایم سی ایسٹ میں شکایتی مرکز قائم کر دیا گیا ہے جس کا فوکل پرسن امتیاز بھٹو کو مقررکیا گیا ہے.
ایڈمنسٹریٹر ڈی ایم سی ایسٹ سید شکیل احمد نے یوسی 18 بہادرآباد میں سڑکوں کی استرکاری کے کام کا معائنہ کیا اور کام میں استعمال ہونے والے میٹریل کا معائنہ بھی کیا اس موقع پر انہوں نے کہا کہ معیاری ترقیاتی کاموں سے عوام کو مستفید کرنا چاہتے ہیں لہذا اس سلسلے میں کوتاہی نہ برتی جائے، ضلع شرقی میں سڑکوں کی بہتری کیلئے جہاں تک ممکن ہوگا،کام کرینگے اسوقت تقریبا ہر یوسی میں ترقیاتی کام جاری ہیں.
اس موقع پر انہوں نے افسران کو ہدایت کی کہ ضلع شرقی میں جاری ترقیاتی کاموں کا ازخود بھی معائنہ کریں تاکہ بہتر طریقے سے ترقیاتی کاموں کو سرانجام دیا جاسکے.
ایڈمنسٹریٹر ڈی ایم سی ایسٹ،سید شکیل احمد کی ہدایت پر مردم شماری کے حوالے سے شکایات کیلئے ڈی ایم سی ایسٹ کے شکایتی مرکز کو فعال کر دیا گیا ہے جہاں مردم شماری کے حوالے سے موصولہ شکایات کو متعلقہ محکمے کو روانہ کیا جائے گا، ایڈمنسٹریٹر سید شکیل احمد نے کہا ہے کہ ڈیجیٹل مردم شماری میں ہرایک کا اندراج ہونا ضروری ہے تاکہ وسائل اندراج کے حوالے سے میسر آسکیں جو کہ پاکستانیوں کے آنے والے مستقبل کیلئے انتہائ ضروری ہے.
دورے کے دوران انکے ہمراہ فوکل پرسن، امتیاز بھٹو، سپریٹینڈنگ انجنئیرز، مبین شیخ، سلمان میمن، ایگزیکٹیو انجنئیر جمال رضوی، ڈپٹی ڈائریکٹر ڈی ایم، ارشاد علی ودیگر افسران موجود تھے.
