لاہور: پی ایس ایل 8 کے کوالیفائر میں ملتان سلطانز ، لاہور قلندرز کو84رنز سے ہرا کر فائنل میں پہنچ گئی ۔
گزشتہ روز کھیلے جانیوالے میچ میں سلطانز نے ٹاس جیت کر پہلے کھیلنے کا فیصلہ کیا اور مقررہ اوورز میں 5 وکٹوں کے نقصان پر 160 رنز بنائے جس میں کیرن پولارڈ سب سے زیادہ 57 رنز بنا کر نمایاں رہے ۔
حارث رئوف نے 3 زمان خان اور راشد خان نے 1،1 وکٹ حاصل کی ۔ جواب میں لاہور قلندرز کی بیٹنگ ہدف کے تعاقب میں ریت کی دیوار ثابت ہوئی اور 14.3 اوورز میں پوری ٹیم 76رنز بنا کر پویلین لوٹ گئی سیم بلنگز نے سب سے زیادہ 19رنز بنائے ۔
اس طرح قلندرز کی ٹیم اب آج کھیلے جانیوالے یونائیٹڈ اور زلمی کے الیمینیٹر ون کی فاتح ٹیم سے ٹکرائے گی ، لیگ کا دوسرا الیمینیٹر کل کھیلا جائے گا ۔
