کراچی کی فضاء میں‌ پھیلنے والی بدبو کس چیز کی تھی؟‌ وجہ معلوم ہوگئی

کراچی: شہر قائد کی فضا میں بدبو پھیلنے کا معمہ حل ہوگیا، بدبو ساحل پر مینگروز کے پودے سڑنے کے باعث پھیلی۔

اے آر وائی کے مطابق جنوبی، مشرقی اور سینٹرل کے کچھ علاقوں سے عوام نے بدبو آنے کی شکایت کی تھی لیکن اس بات کا تعین نہیں ہوسکا تھا کہ فضا میں پھیلی ہوئی بدبو آکر کس چیز کی ہے؟

ماحولیات اور جانوروں کے لیے کام کرنے والی تنظیم نے بتایا ہے کہ مئی اور جون میں لہروں کا رخ بدلتا ہے جس کے باعث سمندر میں موجود تیمر (مینگروز) کے پودے سڑ جاتے ہیں کراچی کی فضاؤں میں پھیلی ہوئی بساند ان ہی مینگروز کی ہے۔

قبل ازیں بدبو آنے پر شہری پریشانی کا شکار تھے کہ آخر یہ بساند کہاں سے آرہی ہے؟ تاہم وہ اندازہ نہ کرسکے، لوگوں نے فیس بک اور ٹوئٹر پر اپنی آرا کا اظہار کیا۔

سماجی رابطوں کی ویب سائٹ ٹوئٹر پر شہریوں نے اپنے ٹوئٹس میں کہا کہ انہیں کچھ عجیب سی بو محسوس ہو رہی ہے۔

اپنا تبصرہ بھیجیں: