راولپنڈی: ڈیرہ اسماعیل خان کےعلاقےکھوٹی میں دہشت گردوں نے پولیس چوکی پرحملہ کر دیا ۔اس دوران فائرنگ کے تبادلے میں 3 دہشت گرد ہلاک جبکہ 3 سکیورٹی اہلکار شہید ہوگئے۔
آئی ایس پی آر کے مطابق ڈیرہ اسماعیل خان کے علاقے سگومیں سکیورٹی فورسز اور دہشت گردوں کے درمیان شدیدفائرنگ کاتبادلہ ہوا جس میں3دہشت گردہلاک ہوگئے۔
شدیدفائرنگ کےتبادلےمیں سکیورٹی فورسزکے3اہلکارشہید ہوئے جن میں لودھراں کے 42 سالہ حوالدار محمد اظہر اقبال، خانیوال کے 34 سالہ نائیک محمد اسد اور جنوبی وزیرستان کے 22 سالہ سپاہی محمد عیسیٰ شامل ہیں۔
حملےکی اطلاع پرسکیورٹی فورسز نےدہشت گردوں کوسگوکےعلاقےمیں گھیرلیاتھا۔ ہلاک دہشت گردوں سےاسلحہ اور گولہ بارود بھی برآمد ہوا اور علاقے میں دہشت گردوں کے خاتمے کیلئے سرچ آپریشن جاری ہے۔
