کراچی: قائد آباد گلشن بونیرمیں نامعلوم افراد نے فائرنگ کرکے دو دوستوں کو قتل کردیا،پولیس کے مطابق مقتولین کی شناخت 30 سالہ عبداللہ اورجلیل کے نام سے ہوئی جنکی لاشوں کو جناح اسپتال منتقل کردیا گیا۔
پولیس کا کہنا ہے کہ واقعہ کے وقت مقتول اپنے دوستوں کے ہمراہ کباڑکے گودام میں لوڈو کھیل رہے تھے کہ نامعلوم ملزم نے گودام میں داخل ہوکرفائرنگ کی اورفرارہوگیا۔
مقتولین کا تعلق سوات سے تھا اوروہ کراچی میں گلشن بونیرکے رہائشی تھے،پولیس کے مطابق ابتدائی طور پرواقعہ ذاتی دشمنی معلوم ہوتا ہے،جائے وقوع سے نائن ایم ایم پستول کے خول اوردیگرشواہد اکٹھے کرکے تحقیقات شروع کردی گئی۔
