کراچی: وزیر محنت و افرادی قوت سندھ سعید غنی نے کہا ہے کہ رمضان المبارک میں عوام کو زیادہ سے زیادہ سہولیات کی فراہمی نہ صرف ہمارا فرض ہے بلکہ بحثیت ایک مسلمان ہم سب کی اولین ذمہ داری ہے ، سندھ حکومت کی جانب سے عوام کو رمضان المبارک کے دوران سستی اور معیاری چیزیں دستیاب ہوں اس کے لئے کراچی میں 27 بچت بازار بنائے گئے ہیں۔ بچت بازار میں اس بات کو یقینی بنایا گیا ہے کہ عوام کو ضروری اشیاء کی کم قیمت اور سرکاری نرخوں پر فراہمی یقینی بنایا جاسکے۔
حکومت سندھ کی جانب سے شہریوں کی سہولت کیلئے وائر لیس گراؤنڈ کالا پل پر لگائے گئے بچت بازار کا دورہ کے موقع پر کیا۔ اس موقع پر ڈپٹی کمیشنر ایسٹ تبریز مری، اے سی فیروزآباد امامہ سولنگی اور دیگر بھی ان کے ہمراہ موجود تھے۔
سعید غنی نے کہا کہ بچت بازار میں اس بات کو یقینی بنایا گیا ہے کہ عوام کو ضروری اشیاء کی کم قیمت اور سرکاری نرخوں پر فراہمی یقینی بنایا جاسکے۔ انہوں نے کہا کہ ان سستے بازار میں کئی اشیاء کے نرخ کمیشنر کراچی کے دئیے گئے نرخوں سے بھی کم جبکہ کئی اشیاء کے نرخ لسٹ کے عین مطابق ہیں۔
سعید غنی نے کہا کہ رمضان المبارک میں عوام کو زیادہ سے زیادہ سہولیات کی فراہمی نہ صرف ہمارا فرض ہے بلکہ بحثیت ایک مسلمان ہم سب کی اولین ذمہ داری ہے اور سندھ حکومت کی جانب سے کراچی میں اس طرح کے 27 سستے بازار بنائے گئے ہیں۔
سعید غنی نے کہا کہ عوام سے بھی گزارش ہے کہ وہ اس طرح کے سستے بازاروں میں جہاں سرکاری نرخوں پر تمام اشیاء دستیاب ہیں وہاں سے خریداری کریں اور اگر ایسے بازاروں میں عوام کا رش بڑھتا ہے تو سندھ حکومت نہ صرف لگے ہوئے بازاروں میں اسٹالز میں اضافہ کردے گی بلکہ نئے بازار بھی لگائے گی۔
اس موقع پر صوبائی وزیر نے وہاں خریداری کے لئے آئیں ہوئی خواتین اور مردوں سے قیمتیں، کوالٹی اور تول کے حوالے سے بھی معلومات حاصل کی اور اسٹالز پر دکانداروں کو تنبیہ کی کہ وہ ہرگز سرکاری نرخوں سے زائد قیمت کو وصول نہ کریں اور کوالٹی اور ناپ تول میں کسی قسم کی کوئی ناانصافی نہ کریں۔