کراچی میں دل دہلا دینے والا حادثہ

کراچی: بولٹن مارکیٹ کے قریب سندھ مدرسۃ الاسلام کے سامنے بونڈ والی گلی میں پرانی عمارت کا کچھ حصہ منہدم ہوگیا۔
عمارت کا ملبہ وہاں کھڑی گاڑیوں پرگرا جس سے کئی کاروں کونقصان پہنچا تاہم خوش قسمتی سے وہاں موجود لوگ محفوظ رہے۔
کراچی کے مصروف ترین علاقے بولٹن مارکیٹ کے قریب پرانی عمارت کا کچھ حصہ منہدم ہونے سے خوف وہراس پھیل گیا، عمارت کا جو حصہ گرا وہ ملبے کا ڈھیر بن گیا جس سے قریب کھڑی گاڑیوں کونقصان پہنچاہے۔
واقعہ کی اطلاع ملتے ہی ریسکیو ٹیمیں جائے وقوعہ پر پہنچ گئیں۔ پولیس کے مطابق عمارت گرنے سے کوئی جانی نقصان نہیں ہوا۔
عمارت گرنے کے بعد قریب میں واقع دوسری پرانی عمارتوں کے مکین بھی خوفزدہ ہوگئے۔ کراچی میں اس سے قبل میں مخدوش بلڈنگ کے کچھ حصے گرنے کے واقعات رونما ہوچکے ہیں۔

اپنا تبصرہ بھیجیں: