لاہور :نیوزی لینڈ کے خلاف پہلے ٹی ٹوینٹی میں شاندار کارکردی دکھانے والے فخر زمان نے کہاہے کہ ٹیم کو جارحانہ کرکٹ کھیلنے کا پیغام دیا گیاہے ، لاہور کی وکٹ بیٹنگ کیلئے آسان نہیں تھی۔
تفصیلات کے مطابق پاکستان اور نیوزی لینڈ کے درمیان دوسرا ٹی ٹوینٹی میچ آج رات نو بجے قذافی اسٹیڈیم میں کھیلا جائے گا۔
میچ پر ہی روشنی ڈالتے ہوئے فخر زمان کا کہناتھا کہ کھیل کے آغاز میں مجھے، بابر اور رضوان کو مشکل پیش آئی لیکن صائم ایوب نے جیسی اننگز کھیلی، اس میچ کو باقی بیٹرز کے لیے آسان بنا دیا۔
فخر زمان نے کہا کہ ہم اسی مومینٹم کو برقرار رکھنے کی کوشش کریں گے اور ٹیم کو یہی پیغام تھا کہ جارحانہ کرکٹ کھیلیں۔
انہوں نے مزید کہا کہ بابر کے بعد صائم ایوب کی صورت میں پاکستان کو ایک اچھا کھلاڑی ملا ہے، صائم اگر اسی انداز میں کھیلتا رہا تو وہ لمبے عرصے تک کھیل سکے گا۔
