کراچی پولیس چیف نے کہا ہے کہ رمضان المبارک میں پچھلے سال کی نسب رواں سال جرائم کی وارداتوں میں کمی آئی جبکہ اسٹریٹ کرائم میں اضافہ ہوا۔
کراچی پولیس چیف جاوید عالم اوڈھو نے پریس کانفرنس میں بتایا ، پولیس مقابلوں کے دوران 12 اسٹریٹ کرمنلز ہلاک اور 117 زخمی ہوئے ، 11 بھتہ خور ، 51 موٹر سائیکل وہیکلز ، 15 اغوا کار 306 اشتہاری و مفرور ملزمان کو گرفتار کرکے بھاری تعداد میں اسلحہ برآمد کرلیا جس میں کلاشنکوفیں ، پسٹلز ، ریپیٹر ، 10 ہنڈ گرینڈز اور گولیاں شامل ہیں۔
انہوں نے بتایا کہ اس کے علاوہ منشیات فروشوں کو گرفتار کرکے ان کے قبضے سے آئس ، چرس ، ہیروئن اور دیگر ممنوعہ ایشا برآمد کی ہیں۔
کراچی پولیس چیف نے دعوی کیا ہے کہ پچھلے سال رمضان المبارک کی مناسبت سے اس سال جرائم کی وارداتوں میں کمی آئی ہے جبکہ اسٹریٹ کرائمز میں اضافہ ہوا ہے جس کو رکنے کے لیے ہرممکن کوشش کی جارہی ہے۔
پولیس ذرائع کے مطابق شہر میں یومیہ 300 کے قریب اسٹریٹ کرائم کی وارداتیں ہوتی ہیں۔ اگر صرف رمضان المبارک کی بات کی جائے تو ڈکیتوں نے مزاحمت پر 11 شہریوں کو قتل کیا جبکہ رواں سال جاں بحق ہونے والوں کی تعداد 41 تک پہنچ گئی ہے۔
