ریاض : سعودی میڈیا پر پچھلے کچھ روز سے سفید پوش نورانی چہرے والے ایک بزرگ شخص کی ویڈیو بہت تیزی سے وائرل ہو رہی ہے جس میں وہ مسجد نبویﷺ میں چلتے ہوئے دکھائی دیتے اور زیارت میں مصروف ہیں ۔
ان کے بارے میں اب وہ معلومات سامنے آ گئیں ۔ساجد عثمانی نامی ٹوئٹر صارف نے پیغام جاری کرتے ہوئے ان بزرگ کی تصاویر شیئر کی اور ساتھ لکھا کہ ”ان بزرگ کے بارے میں عرب لوگ کہہ رہے ہیں کہ ان کی داڑھی ، پگڑھی ، عصااور چادر لینے کا انداز اور سادگی ایسی ہے کہ جیسے یہ بزرگ صحابہ کرام رضی اللہ عنھم کے دور سے لوٹ کر آئے ہوں ۔
جیسے ہی یہ ویڈیو سوشل میڈیا پر وائرل ہونا شروع ہوئی تو ہر کسی نے اظہار خیال کیا اور اسی دوران ایک پیغام ایسا بھی آیا جس میں بتایا گیا کہ ان بزرگوار شخصیت کا تعلق پاکستان سے ہے ۔
— رضوان شیخ۔ (@Kamran25767800) April 20, 2023
ایک اور صارف نے ان بزرگ شخصیت کا تعارف کراتے ہوئے کہا کہ ’’چند سیکنڈ کی ویڈیو کلپ سے عرب میڈیا پر وائرل ہونے کہ بعد دنیا بھر میں مشہور ہونے والے بزرگ کا نام عبدالقادر مری ہے جن کا تعلق پاکستان کے صوبہ بلوچستان کے شہر ’’حب‘‘ سے ہے۔
یہ بھی اطلاع ہے کہ یہ آج صبح سویرے مدینہ سے کراچی ایئرپورٹ پہنچیں گے‘‘۔
آصف رزاق نامی ٹویٹر صارف کا کہناتھا کہ ” ماشاءاللہ ، ویڈیو دیکھی ، ایسا لگ رہاہے پاکستانی بلوچی ہیں، سادہ اور خلوص کے ساتھ حاضری کیلئے آئے ہوئے ہیں، کچھ حیران بھی ہیں“۔
