جنیوا: گرین ہاؤس گیسوں کی ریکارڈ سطح نے عالمی سطح پر خشک سالی، سیلاب اور گرمی کی لہروں کے واقعات میں اضافہ کیا ہے۔
ورلڈ میٹرولوجیکل آرگنائزیشن (ڈبلیو ایم او) کی 2022 کی سالانہ رپورٹ میں کہا گیا ہے کہ 2022 میں ہیٹ ویوز کی وجہ سے یورپ میں کم از کم 15 ہزار 700 اموات ہوئیں۔
رپورٹ میں مزید کہا گیاہے کہ مخصوص مقامات کے حقیقی وقت کے اعداد و شمار سے پتہ چلتا ہے کہ 2022 میں تین گرین ہاؤس گیسوں کاربن ڈائی آکسائیڈ، میتھین اور نائٹرس آکسائیڈ کی سطح میں اضافہ ہوتا رہا۔
رپورٹ میں کہا گیا ہے کہ خشک سالی، سیلاب اور گرمی کی لہروں نے براعظم اور تمام کمیونٹیز کو متاثر کیا اور کئی ارب ڈالر کے نقصانات کیے۔
ان کی وجہ سے انٹارکٹک سمندری برف ریکارڈ پر اپنی کم ترین حد تک گر گئی اور کچھ یورپی گلیشیرز بہت زیادہ پگھلے۔
