کراچی: صوبائی وزیر بلدیات ناصر حسین شاہ نے کہا ہے کہ عدلیہ کے فیصلوں سے تاثر ابھرا ہے کہ خان کی حمایت ہو رہی ہو۔
ناصر حسین شاہ کا کہنا ہے کہ اس ملک میں کئی آڈیوز آچکیں، ایک اور مبینہ آڈیو آگئی ہے،معزز جج صاحبان سیاستدانوں کو اتفاق کا کہہ رہے ہیں، خود بھی اتفاق پیدا کرلیں۔
انہوں نے کہاکہ پنجاب میں انتخابات کروانے کےلیے دباؤ دیا جارہا ہے ملک میں ایک ہی روز انتخابات جہوریت کے استحکام کے لیے ضروری ہیں۔
سید ناصرحسین کا کہنا تھا کہ مذاکرات کا راستہ ہی جمہوریت بچانے کا واحد حل ہے،صرف پنجاب میں انتخابات سے مسائل حل نہیں ہونگے،سازشی ٹولے نے ملک کو مسائل کے بھنور میں جکڑ دیا ہے،آصف علی زرداری اپنی مفاہمت سے ملک کو بچانا چاہتے ہیں،مفاہمت کی سیاست نے جمہوریت کو تقویت دی،چیئرمین بلاول بھٹو نے ایک بار پھر تمام جماعتوں کو مذاکرات کی پیشکش کی ہے۔
انہوں نے کہاکہ سیاستدان کو ایک دوسروں سے بات چیت کرکے مسائل کا حل نکالنا چاہئے،پی ٹی آئی کی جانب سے مشروط مذاکرات باعث افسوس ہیں،پی ٹی آئی کو عوام کے درد کا احساس ہوتا تو ٹال مٹول کا راستہ نہ اپناتی۔
