کراچی: عالمی تنظیم فور پاز نے کراچی چڑیا گھر کی ہتھنی مدھو بالا کو سفاری پارک منتقل کرنے کی مخالفت کر دی۔
زرائع کے مطابق مدھو بالا نے ساتھی ہتھنی نورجہاں کی موت کا گہرا اثر لیا ہے اور شدید غمگین ہے۔
سوگ منانے کے سبب مدھو بالا 4 راتوں سے سو نہیں سکی۔
عالمی تنظیم فور پاز کی جانب سے سوشل میڈیا پر جاری بیان میں کہا گیا ہے کہ مدھو بالا کو سفاری پارک منتقل نہ کیا جائے نہ ہی چڑیا گھر میں رکھا جائے۔
بلکہ اس کیلئے نئی پناہ گاہ بنائی جائے جہاں دیگر 2 ہتھنیاں اس کے ساتھ رکھی جائیں۔
مزید کہا گیا ہے کہ مدھو کے خون کے نمونے حاصل کر لئے ہیں جن سے پتہ چلے گا کہ مدھوبالا سفر کے قابل بھی ہے یا نہیں۔
