کراچی کے مختلف علاقوں میں کہیں ہلکی، کہیں موسلادھار بارش، کہیں بوندا باندی ہوئی ہے جبکہ ژالہ باری کی اطلاعات بھی موصول ہوئی ہیں۔
شہر کے مختلف علاقوں گلشنِ اقبال، نیپا چورنگی، گلستانِ جوہر، لیاقت آباد، ناظم آباد، نارتھ ناظم آباد، شارع فیصل، محمد علی سوسائٹی اور کلفٹن میں بارش ہوئی ہے۔ذرائع کے مطابق ملیر کے علاقے گلشنِ قادری میں ژالہ باری ہوئی ہے۔
موسمیاتی تجزیہ کار کے مطابق کچھ وقت تک درمیانی اور تیز بارش کا امکان رہے گا۔
موسمیاتی تجزیہ کار کا یہ بھی کہنا ہے کہ بارش کا سلسلہ1 سے 2 گھنٹے جاری رہ سکتا ہے۔آج صبح محکمۂ موسمیات نے پیش گوئی کی تھی کہ کراچی میں آئندہ 24 گھنٹوں کے دوران وقفے وقفے سے گرج چمک کے ساتھ بارش کا امکان ہے۔
محکمۂ موسمیات کے مطابق شہرِ قائد میں دن میں کہیں ہلکی اور کہیں درمیانے درجے کی بارش متوقع ہے
