کرناٹک: بھارتی وزیر اعظم نریندر مودی کی گاڑی پر بھارتیہ جنتا پارٹی کی انتخابی مہم کے دوران ایک خاتون نے موبائل فون دے مارا۔
بھارتی میڈیا رپورٹس کے مطابق بھارتی وزیر اعظم ریاست کرناٹک کے متعدد شہروں میں اپنی انتخابی مہم میں مصروف ہیں اور اب تک کئی انتخابی ریلیوں میں شرکت اور 6 جلسوں میں خطاب کرچکے ہیں۔
واقعہ مودی کے کرناٹک اسمبلی انتخابات کے لیے بی جے پی کی انتخابی مہم میں حامیوں سے ملاقات کے دوران پیش آیا۔ نریندر مودی شہر میسور میں اپنی انتخابی مہم کے دوسرے دن پارٹی کارکنان اور حامیوں سے ملاقات کررہے تھے جب ایک شہری نے اُن کی گاڑی پر موبائل فون پھینک مارا۔
پولیس کی طرف سے تحقیقات کے بعد یہ ظاہر ہوا کہ موبائل بھیڑ میں سے کسی خاتون نے وزیر اعظم پر پھول پھینکتے ہوئے حادثاتی طور پر فون پھینک دیا تھا۔
فون خاتون بی جے پی کارکن نے جوش میں پھینکا جس میں کوئی بدنیتی شامل نہیں تھی۔
🔴Security Breach at PM #Modi’s roadshow in #Mysuru. Mobile phone thrown at convoy. 2nd such incident in a week after #Kochi, while police says the phone was hurled out of “excitement” by a woman BJP worker who had no “ill-intention”. SPG has returned the phone. pic.twitter.com/Wusvph1uyO
— IDU (@defencealerts) April 30, 2023
