اسلام آباد: وزیرداخلہ رانا ثناء اﷲ خاں نے تحریک انصاف کے رہنما فواد چوہدری کے بیان پر ردعمل کا اظہارکرتے ہوئے کہاہے کہ مریم نواز کو نوٹس نہ بھیجیں، بشری بی بی عدالت میں پیش ہو کر کرپشن کا جواب دیں جہاں خاوند منہ پر بالٹی پہن کر جاتاہے۔
انہوں نے کہاکہ یہ ٹرک چھپاؤ یا پہنچاؤ تحریک کی پریس کانفرنس تھی۔ انہوں نے کہاکہ الیکشن کمیشن، وکلا ، صحافیوں اور سیاسی مخالفین پر گند اچھالنا، گالی دینا ،دھمکانا عمران خان کا وتیرہ ہے۔
انہوں نے کہا کہ جوانکے خلاف بات کرے وہ وکلا پے رول پر، صحافی لفافے اور الیکشن کمیشن بکاؤ ہے۔
انہوں نے کہاکہ190 ملین پاؤنڈ کے لفافے کا جواب دو جو فراڈ نیازی نے فراڈ کرکے اپنے سپانسر کو خیرات کیا۔
انہوں نے کہاکہ پورا قومی خزانہ عمران مافیا کے نشانے پرتھا۔عدلیہ کا اختیار پارلیمنٹ نے شفاف بنایا ہے ،منصب، کرسی اور اختیار کا ناجائز استعمال سب سے بڑی آئین شکنی ہے۔
