نئی دہلی : مغربی بنگال کی وزیر اعلیٰ ممتا بنرجی نے وزیر اعظم نریندر مودی کے ریڈیو پروگرام ’من کی بات‘ پر کڑی تنقید کرتے ہوئے کہا ہے بھارتیہ جنتا پارٹی جھوٹ سے لوگوں کو بیوقوف بنارہی ہے۔
بنرجی نے 2021کے اسمبلی انتخابات میں ترنمول کانگریس کی فتح کو دو سال مکمل ہونے کے موقع پر ایک ویڈیو پیغام میں اپوزیشن جماعتوں پر زور دیا کہ وہ آئندہ لوک سبھا انتخابات میں بی جے پی کو شکست دینے کیلئے متحد ہوجائیں۔انہوں نے کہا بی جے پی من کی بات کے نام پر جھوٹ کی بات سے لوگوں کو بیوقوف بنا رہی ہے۔
بی جےپی ہر الیکشن سے پہلے وعدے کرتی ہے اور الیکشن کے بعد انہیں بھول جاتی ہے۔انہوں نے2024ءکے لوک سبھا انتخابات کو تبدیلی کا انتخاب قراردیتےہوئے کہا ملک بھرمیں انتشار پھیلا ہوا ہے، بی جے پی کی سیاست کو شکست دینے کا وقت آگیا ہے۔
اپنا تبصرہ بھیجیں:
