لاہو: ماضی کی معروف اداکارہ زمرد خان کینسر سے جنگ لڑتے لڑتے زندگی کی بازی ہار گئیں۔
زمرد خان نے بے شمار فلموں میں کام کے ساتھ ساتھ ٹی وی ڈراموں اور تھیٹر پر بھی کام کیا۔ان کی بیٹی پریا خان بھی تھیٹر سے وابستہ رہیں۔
شوبز انڈسٹری سے وابستہ افراد نے زمرد خان کے انتقال پر گہرے دکھ اور افسوس کا اظہار کیا ہے، سٹیج اداکارہ زمرد خان طویل عرصہ کینسر کے مرض میں مبتلا رہیں، دو روز قبل ان کے پھیپھڑوں نے کام کرنا چھوڑ دیا تھا ،مرحومہ کی گزشتہ رات نماز جنازہ ادا کردی گئی۔
شوبز سے وابستہ افراد سمیت شہریوں کی بڑی تعداد نے شرکت کی، ان کو گلشن راوی کے مقامی قبرستان میں سپرد خاک کر دیا گیا ہے ۔
