لاہور : لاہور ہائیکورٹ نے زمان پارک جے آئی ٹی کی تشکیل کیخلاف درخواستوں پر فیصلہ محفوظ کر لیا۔
زرائع کے مطابق لاہور ہائیکورٹ کےجسٹس طارق سلیم شیخ کی سربراہی میں 3 رکنی بینچ نے درخواستوں پر سماعت کی۔
عدالت نے اپنے ریمارکس میں معاونت کرنے پر سب کا شکریہ ادا کیا۔
ایڈیشنل چیف سیکرٹری داخلہ نے دورانِ سماعت موقف اختیار کیا کہ وفاق انکار کرے تو صوبائی حکومت جے آئی ٹی بنائے۔
پنجاب حکومت کے وکیل نے کہا کہ عدالتوں کا کام یہ بتانا ہے قانون کیا ہے، عدالتوں کو اس میں نہیں جانا چاہئے قانون کیا ہو گا۔
عدالت نے فریقین کے دلائل مکمل ہونے پر فیصلہ محفوظ کر لیا۔
