کراچی: متحدہ قومی موومنٹ پاکستان نے مردم شماری کے حوالے سے گرینڈ ڈائیلاگ کے انعقادکا فیصلہ کرلیا ہے۔
ذرائع کے مطابق حیدرآباد میں 7 مئی اور کراچی میں 10 مئی کو مردم شماری پر گرینڈڈائیلاگ کا آغاز ہوگا ۔
جس میں ایم کیو ایم شہر کے تمام اسٹیک ہولڈرز کو گرینڈ ڈائیلاگ کے لیے دعوت دیگی۔
گرینڈ ڈائیلاگ کو شہری سندھ کا مقدمہ کا نام دیا گیا ہے۔
ذرائع کا بتانا ہے کہ اہم شخصیات، دانشور، ادیب، تاجر، صنعتکار، وکلا، سوشل ایکٹیوسٹ کو بھی اس گرینڈڈائیلاگ میں مدعو کیا جائےگا۔
ساتھ ہی سیاسی جماعتوں کے قائدین کو بھی شرکت کی دعوت دی جائےگی۔
ذرائع کا کہنا ہے کہ اس گرینڈ ڈائیلاگ میں ایم کیوا ایم مردم شماری میں گھرانوں کو غائب کرنا، مردم شماری کے عملے اور صوبائی حکومت کی غیر شفافیت کے معاملے کو اٹھایا جائے گا۔
مردم شماری کسی ایک قوم کا نہیں اس شہر میں رہنے والے ہر شخص کا مسئلہ ہے۔
ذرائع کا مزید کہنا ہے کہ کراچی کی آدھی آبادی کو گنا ہی نہیں گیا ہے، پوری کوشش کررہے ہیں کہ شہری سندھ کے ایک ایک شخص کو گنا جائے۔
