کراچی:کراچی میں بجلی کی فراہمی کے ذمہ دار نجی اداری کے الیکٹرک نے ڈسٹری بیوشن لائسنس کی تجدید کے لیے نیشنل الیکٹرک پاور ریگولیٹری اتھارٹی(نیپرا)کو درخواست دے دی۔
کے الیکٹرک کی جانب سے 20 سال کے لیے ڈسٹری بیوشن لائسنس کی تجدیدکی درخواست کی گئی ہے۔
درخواست میں کہا گیا کہ کے الیکٹرک کے لائسنس کی مدت 20 جولائی 2023 کو ختم ہوجائیگی.
لائسنس میں مزید 20 سال 20 جولائی2043 تک توسیع کی جائے۔
درخواست میں کہا گیا کہ کے الیکٹرک 34 لاکھ صارفین کو خدمات فراہم کر رہا ہے، لائسنس کی تجدید صارفین اور الیکٹرک پاور انڈسٹری کے مفاد میں ہے۔
نیپرا نے تمام اسٹیک ہولڈرز اور شہریوں سے 14 دنوں میں رائے طلب کرلی ہے۔
