کراچی: معروف اداکارہ اور ماڈل عائشہ عمر نے اپنی مصروفیات سے عارضی دوری اختیار کرلی ہے۔
اس عرصے کے دوران اداکارہ انٹرنیٹ اور سوشل میڈیا سمیت رابطوں کے تمام ذرائع سے بھی دور رہیں گی۔
چھوٹی اور بڑی اسکرین کی معروف اداکارہ نے اپنی انسٹاگرام پوسٹ کے ذریعے شوبز کی سرگرمیوں سمیت معمولات زندگی سے دو ہفتے کی دوری اختیار کرنے کا اعلان کیا۔
عائشہ عمر کے مطابق اس عرصے کےد وران وہ کسی سے رابطہ نہیں کریں گی، کم کھائیں گی، مطالعہ کریں گی اور اپنے خالق سے تعلق مضبوط کرنے کی کوشش کریں گی۔
عائشہ عمر نے کہا ہے کہ دو ہفتے کے عرصے میں وہ نئی عادات اپنانے میں کامیاب ہوجائیں گی۔
