کوئٹہ : شمالی بلوچستان کے علاقے مسلم باغ میں ایف سی کیمپ پر حملہ کرنے والے دہشتگردوں کے ساتھ سیکیورٹی فورسز کا شدید فائرنگ کا تبادلہ جاری ہے۔
انٹر سروسز پبلک ریلیشنز (آئی ایس پی آر) کے مطابق ایف سی کیمپ میں سیکیورٹی فورسز کا آپریشن جاری ہے اور کلیئرنس آپریشن میں 2 جوان شہید اور 3 زخمی ہوئے ہیں جبکہ جوابی کارروائی میں 2 دہشت گرد مارے گئے۔
آئی ایس پی آر کے مطابق دہشت گردوں کو بلڈنگ کمپلیکس تک محدود کردیا گیا ہے اور آپریشن جاری ہے۔کوئٹہ کے سول اسپتال میں ایمرجنسی نافذ کردی گئی ہے اور کنسلٹنٹس، ڈاکٹرز، نرسز اور پیرا میڈیکس کو فوری حاضر ہونے کی ہدایت کی گئی ہے۔
