اسٹیٹ بینک نے ڈالر قابو کرنے کیلیے ایکسچینج کمپنیوں پر نئی پابندیاں عائد کردیں۔
اسٹیٹ بینک کے مطابق عوامی ضرورت پورے کرنے کے لیے بینکوں کو ایکسچینج کمپنیز قائم کرنے کی اجازت دی ہے، ایکسچینج کمپنیز کی بی کمپنیوں اور فرنچائز کو ختم کر کے مکمل کمپنیز بنانے کی پیش کش کی ہے۔
ایکسچینج کمپنیز کا کم از کم سرمایہ 20 کروڑ سے بڑھا کر 50 کروڑ کیا جارہا ہے جبکہ بی ایکسچینج کمپنیوں کو تین ماہ میں ضوابطی تقاضے پورے کرنے یوں گے۔
ایکس چینج کمپنیز کے زمرے میں منتقل نہ ہونے والی بی کمپنیز کے لائسنس منسوخ کر دیے جائیں گے، فرنچائز تین ماہ میں ضوابطی تقاضے پورے کرکے دوسری کمپنیز میں ضم ہو سکتی ہیں۔
بی ایکسچینج کمپنیز اور فرنچائزز ایک مہینے میں اپنا منصوبہ جمع کرکے اسٹیٹ بینک سے این او سی لے لیں۔
اسٹیٹ بینک کے مطابق ان پابندیوں کا مقصد عوام کو بہتر خدمات فراہم کرنا اور ایکس چینج کمپنیوں میں مسابقت اور شفافیت لانا ہے۔
