گلشن حدید میں نجی اسکول کی ویڈیو اسکینڈل کے معاملے میں ڈائریکٹوریٹ آف پرائیویٹ انسٹیٹوشنز نے سیکریٹری ایجوکیشن کو خط لکھ دیا۔
خط میں کہا گیا ہے کہ اسکول سے متعلق ایک ویڈیو سوشل میڈیا پر گردش کررہی ہے جس میں اسکول پرنسپل کو خاتون اساتذہ کے ساتھ بدسلوکی کرتے دیکھا جاسکتا ہے۔
خط میں مزید کہا گیا ہے کہ سوشل میڈیا سے اسکول کی تمام فحش ویڈیوز فوری طور پر ہٹائی جائیں اور اس سلسلے میں ایف آئی اے اور سائبر کرائم سے رجوع کیا جائے۔
ڈائریکٹوریٹ آف پرائیویٹ انسٹیٹوشنز کا کہنا ہے کہ ان ویڈیوز سے طلبا ، والدین اور سول سوسائٹی پر برے اثرات مرتب ہوں گے۔
مکتوب میں مزید کہا گیا ہے کہ یہ اسکول ہمارے پاس رجسٹرڈ نہیں ہے، ڈپٹی کمشنر ملیر کی مدد سے اسکول کی عمارت کو سیل کردیا گیا ہے اور اس پورے معاملے کی جانچ پڑتال مختلف زاویوں سے کی جارہی ہے۔
