ایشیا کپ کے سپر فور مرحلے ہی میں ٹورنامنٹ سے باہر ہوجانے کے باوجود پاکستانی ٹیم ون ڈے ٹیموں کی فہرست میں بدستور پہلے نمبر پر ہے۔
ایشیا کپ کے فائنل میں بھارت کی سری لنکا کے پر متاثرکن فتح بھی پاکستانی ٹیم کو نمبر ون پوزیشن سے محروم نہ کرسکی۔
17 ستمبر کو آئی سی سی کی اپ ڈیٹ کی گئی رینکنگ میں گرین شرٹس 115 کی ریٹنگ کے ساتھ سرفہرست ہیں۔
اگرچہ بھارتی ٹیم کی ریٹنگ بھی 115 ہی ہے مگر وہ دوسرے نمبر پر ہے۔
کینگروز کا اس فہرست میں تیسرا نمبر ہے، اور وہ ریٹنگز میں پاکستان اور بھارت سے 2 پوائنٹ پیچھے ہیں۔
ون ڈے کی بہترین ٹیموں کی اس فہرست میں جنوبی افریقا چوتھے، انگلینڈ پانچویں، نیوزی لینڈ چھٹے، بنگلادیش ساتویں، سری لنکا آٹھویں، افغانستان نویں اور ویسٹ انڈیز دسویں نمبر پر ہے۔
