بھارتی ریاست راجستھان کے شہر بھرت پور کے گھر میں ایک بچی کی پیدائش ہوئی ہے جس کی 26 انگلیاں ہیں۔
بچی کے دونوں ہاتھوں کی سات، سات اور پاؤں کی چھ، چھ انگلیاں ہیں۔
6 اضافی انگلیوں کی وجہ سے نوزائیدہ کو اہل خانہ نے ’ ڈھولاگڑھ دیوی کا اوتار‘ قرار دے دیا ہے جس کی یہ خاندان پوجا کرتا ہے۔
تاہم ڈاکٹروں نے اضافی انگلیوں کی وجہ جینیاتی خرابی کو قراردیا ہے۔ ڈاکٹروں کا کہنا ہے کہ ہاتھ پاؤں میں زائد انگلیاں ہونا کوئی غیرمعمولی بات نہیں ہے البتہ ایسا بہت کم ہوتا ہے۔
بچی کا باپ گوپال بھٹہ چاریہ سینٹرل ریزرو پولیس فورس میں ہیڈکانسٹیبل ہے، جبکہ اس کی ماں سرجو دیوی عام گھریلو عورت ہے۔
ڈاکٹروں کی رائے سے قطع نظر نومولود کے اہل خانہ اسےدیوی کا اوتار سمجھ رہے ہیں اور بچی کی پیدائش پر بہت خوش ہیں۔
