نگراں وزیر اعظم کی منظوری کے بعد وزارت خزانہ نے آئندہ پندرہ روز کیلیے پیٹرولیم مصنوعات کی قیمتوں کا اعلان کردیا۔
محکمہ خزانہ کی جانب سے جاری نوٹی فکیشن کے مطابق آئندہ پندرہ روز کیلیے پیٹرول کی فی لیٹر قیمت میں دو روپے کمی کی گئی ہے۔
اسی طرح ہائی اسپیڈ ڈیزل کی قیمت میں 6 روپے 47 پیسے، لائٹ ڈیزل کی قیمت میں 9 روپے ایک پیسہ جبکہ مٹی کے تیل کی فی لیٹر قیمت میں 6 روپے پانچ پیسے کی کمی کی گئی ہے۔
حالیہ کمی کے بعد پیٹرول کی فی لیٹر قیمت 283.38 روپے سے کم ہوکر 281.34 روپے، ہائی اسپیڈ ڈیزل کی قیمت 303.18 روپے سے کم ہوکر 296.71 پیسے کم ہوگئی۔
اسی طرح مٹی کے تیل کی فی لیٹر قیمت 211.03 روپے سے کم ہوکر 204.98 روپے جبکہ لائٹ ڈیزل کی فی لیٹر قیمت 189.46 روپے سے کم ہوکر 180.45 روپے ہوگئی ہے۔
نئی قیمتوں کا اطلاق رات بارہ بجتے ہی شروع ہوجائے گا جو آئندہ پندرہ روز یعنی 30 نومبر کی رات بارہ بجے تک نافذ العمل ہوگا۔
